Egutegia

GNOMEren Egutegia datozen egun eta asteetan dituzun zereginak eta hitzorduak antolatzeko tresna dotorea da. Bilerak eta hitzorduak, gertaera publikoak, bidaien logistika edo beste edozein zeregin antolatzeko balioko dizu.

Sortu eta kudeatu egutegiak eta gertaerak nahieran GNOMEren Egutegiak eskaintzen duen hilabeteen ikuspegi mugagabean, asteen araberako ordutegian zein programazioko zerrenda-ikuspegian.

GNOMEren azken teknologiak eta diseinuko praktika onenak integratuz, Egutegia aplikazioa Evolution datu-zerbitzari helduaren gainean eraiki da, gertaeren kopuru handiak kudeatzeko eta beste aplikazio batzuekin integratzeko. Lineako zebitzu anitzetako egutegiak gehitu ditzakezu (NextCloud, Google Calendar, CalDAV/WebDAV zerbizariak...), zure gertaerak gailu eta plataforma askotan sinkronizatu ahal izateko. GNOMEren Egutegiak egutegi lokalak eta lineaz kanpokoak ere onartzen ditu, edonon eta edonoiz erabili ahal ditzazun bidaiatzen ari zaren bitartean (edo zibilizazioak kolapsatu ondoren).