Grafikoak

Grafikoak aplikazioa datuak erraz marraztu eta manipulatzea ahalbidetzen duen tresna indartsua da. Datuak fitxategi mota askotatik inportatu daitezke, edo ekuazioen bidez sortu daitezke. Eragiketa anitz ditu datuak manipulatzeko: hautatzea, ebakitzea, lekuz aldatzea, biderkatzea, zentratzea, leuntzea eta abar. Eraldaketa pertsonalizatuak ere aplikatu ahal zaizkie datuei.

Are gehiago, Grafikoak aplikazioak inportatutako datuen kurbak doitzea ahalbidetzen du eta marrazkien estiloa moldatzeko pertsonalizazio-aukera ugari ditu. Estilo-orriak nahieran doitu eta pertsonalizatu daitezke.

Grafikoak aukera bikaina da datuak manipulatu eta marrazteko. Grafikoekin sortutako marrazkiak formatu askotan gorde daitezke. Ikusle zabalagoekin partekatzeko erabili daitezke, adibidez argitalpen zientifikoetan edo aurkezpenetan. Horrez gain, marrazkiak irudi bektorial gisa gordetzeko aukerari esker, Inkscape moduko aplikazioetan erraz editatu daitezke, irudiak gehiago fintzeko. Grafikoak aplikazioa GNOME ingurunerako dago idatzia, baina edozein mahaigainetan erabili daiteke.

Aplikazioari buruzko laguntza, galdera edo arazoetarako, bete akats-jakinarazpen bat GitLab orrian.