Iotas

Iotas aplikazioak oharrak distrakziorik gabe hartzea ahalbidetzen du, mugikorretarako pentsatutako diseinu baten bidez.

Eginbideak

• Aukerako sinkronizazio azkarra Nexcloud Notes aplikazioarekin
• Lineaz kanpoko oharrak hartzea, sinkronizazioa linean jartzean
• Kategoriak editatzea eta iragaztea
• Gogokoak
• Ortografia-egiaztapena
• Bilaketak bildumetan edo banakako oharretan
• Fokuratze-modua eta editorearen goiburuaren eta formatu-barren aukerako ezkutatzea
• Aurrebistan: esportatu PDF, ODT eta HTMLra
• Diseinu konbergentea, Iotas mahaigainean zein mugikorrean erabiltzeko
• Bilatu GNOME Shell aplikaziotik
• Oharren babeskopia eta leheneratzea (komando-lerrotik, sinkronizaziorik gabe erabiltzeko)
• Letra-tamaina aldatu eta espazio bakarreko estilora aldatzeko aukera

Markdown formatuan idaztea onartzen da, baina aukerakoa da

• Formatua ematea tresna-barren eta lasterbideen bidez
• Sintaxia nabarmentzea gaiekin
• Formatudun ikuspegia
• Zeregin-zerrendak egintzat markatzeko aukera formatudun ikuspegian

Xehetasun teknikoagoak, horrelakoak gustuko dituztenentzat

• Nextcloud Notes aplikazioarekin sinkronizatzea REST API bidez egiten da, ez WebDAV bidez, azkarragoa izan dadin
• Sinkronizazio-gatazken oinarrizko detekzioa dago
• Oharrak etengabe gordetzen dira
• Ohar-bilduma handiak partzialki kargatzen dira abioa azkartzeko
• Oharrak SQLite datu-base batean biltegiratzen dira, bilaketa azkarrak (FTS) egin ahal izateko gurpila berrasmatu gabe. Fitxategi soilak atzitu daitezke babeskopiak egiteko (komando-lerro bidez).