Calendario

O Calendario de GNOME é unha elegante ferramenta que lle permite planificar e manterse no seu plan para os vindeiros días e semanas, tanto se os seus meses están cheos de reunións como citas, eventos públicos, loxística de viaxes ou outros eventos na súa vida.

Cree e xestione de forma doada calendarios e eventos ilimitados coa vista de mes de desprazamento infinito, planificación de semana e a vista de lista planificada de Calendario de GNOME.

Integrando as últimas tecnoloxías e as mellores prácticas de deseño de GNOME, o Calendario de GNOME construese sobre do maduro servidor de datos de Evolution para xestionar grandes cantidades de eventos e para fornecer integración con outras aplicacións. Pode engadir calendarios desde varios servizos de calendario en liña (como servidores de NextCloud, Google Calendar e CalDAV / WebDAV), permitíndolle sincronizar os seus eventos entre varios dispositivos e plataformas. O Calendario de GNOME tamén permite os calendarios locais e sen conexión, polo que pode usalos en calquera lugar e momento mentres viaxa (ou despois de que a civilización colapse).