Calculadoira

La calculadoira GNOME es una aplicacion per resòlvre d'eqüacions matematicas. Mentre qu'aparesca inicialament coma una simpla calculadoira amb unicament las operacions aritmeticas de basa, podètz bascular dins los mòdes Avançat, Finanças o Programacion per descobrir un nombre susprenent de foncionalitats.

La calculadoira avançada supòrta nombrosas operacions, que comprenon: los logaritmes, las factorialas, las foncions trigonometricas e iperbolicas, la division modulara, los nombres complèxes, la generacion de nombres aleatòris e la factorizacion en nombres primièrs.

Lo mòde financièr permet mantun calcul dont lo taus d'interès periodic, la valor presenta e futura, l'amortiment degressiu e linear, e d'autres.

Lo mòde Programacion supòrta los calculs amb las basas correntas (binària, octala, decimala e exadecimala), las operacions bit a bit, lo complement a dos, la conversion de caractèr a còde de caractèr, e mai.

Lo mòde de conversion supòrta las conversions entre las unitats, las devisas e las basas numericas correntas.